LEWER 1,8 LITER
Bereiding: 10 minute
Gaarmaaktyd: 20 minute
Hierdie sop gaan nie jou sak ruk nie, maar word steeds in ’n eksotiese gereg omgetower deur gerookte paprika, pesto gemaak van songedroogde tamaties en suurlemoenskil.
olie
1 ui, gekap
2 huisies knoffel, fyn gedruk
125 ml (½ k) gekapte sopseldery
takkie vars roosmaryn
3 lourierblare
1 liter (4 k) groenteaftreksel
2 blikke (400 g elk) gebakte boontjies in tamatiesous
200 g spinasie
20 ml (4 t) songedroogdetamatiepesto
5 ml (1 t) gerookte paprika
sout en vars gemaalde
swartpeper
sap en skil van 1 suurlemoen
2 chorizo- of ander geurige worsies, in skyfies gesny en gebraai (opsioneel)
- Verhit die olie in ’n groot pot en braai die ui, knoffel en sopseldery tot dit sag is.
- Voeg die roosmaryn en lourierblare by.
- Voeg die groenteaftreksel, gebakte boontjies met sous en spinasie by en laat die mengsel kook.
- Roer die songedroogdetamatiepesto en paprika by.
- Geur met sout, peper en die suurlemoensap en -skil.
- Laat kook, verlaag die hitte en laat sowat 10 minute prut.
- Skep die sop in bakkies en garneer met die worsskyfies indien verkies.